Erik Harley, experto en Estudos Urbanos e creador do termo "Pormishuevismo", un falso movemento artístico que investiga a arquitectura especulativa e corrupta, guíanos a través de doce fascinantes roteiros por todo o territorio español, explorando o malgasto de diñeiro público en custosas construcións cuxa marca indeleble está presente nas nosas paisaxes. Estes roteiros percorren paraísos pormishuevistas de España coa máis variada temática: xogos olímpicos, exposicións universais, rañaceos a pé de praia, rotondas inimaxinables, cidades de todo tipo (da cultura, das artes e as ciencias, das vacacións...) e moitos, pero moitos millóns de euros. Armado co seu casco de obra, humor, desenvoltura e datos demoledores, Erik desvela algúns dos segredos que se esconden detrás destes proxectos construtivos, permitíndonos comprender mellor a historia recente do país ibérico a través da súa arquitectura, os seus monumentos e os debates que suscitou tanto malgasto.