La Bassée, unha poboación do norte de Francia. Alí son veciños Christine, unha pintora xa maior que vive soa co seu can, e a familia formada por Patrice, a súa esposa Marion e a súa filla Ida. O matrimonio non é feliz e a nena pasa moitas tardes en casa da veciña.
O día dos aniversarios de Marion, Patrice pensou en organizarlle unha festa. Pero sucede algo inesperado. Aparecen tres homes, tres irmáns, nun coche. Preguntan por unha casa baleira, que está en venda, pero en realidade buscan a Marion.
O pasado sempre volve e hoxe é o día en que aquilo que Marion cría deixar atrás para sempre vai reaparecer con toda a súa virulencia. Un tempo cheo de sombras que a afecta a ela, pero tamén á súa filla Ida… Unha inmersión na Francia profunda e os segredos do pasado. Un thriller contido e sinuoso, dunha violencia desgarradora. Unha narración precisa, metódica. Unha prosa seca, sen floreos. Unha novela na que a ferocidade humana vaise apoderando de todo.