A finais de 1984, dous novos irmáns guatemaltecos, exiliados desde hai anos en Estados Unidos, volven a Guatemala para participar nun campamento de nenos xudeus nun bosque perdido das montañas do altiplano. Pouco saben do seu país natal, e xa apenas falan español. Os seus pais insistíronlles en que irían pasar uns días no campamento para aprender non só formas de supervivencia na natureza, senón tamén formas de supervivencia na natureza para nenos xudeus. Que non é o mesmo, dixéronlles. Pero unha mañá, os nenos descobren que o campamento foi transformado en algo moito máis sinistro: agora cada un terá que atopar a súa propia forma de sobrevivir.
Neste libro, o autor regresa a un acontecemento da súa infancia na Guatemala complexa e violenta dos anos oitenta, cuxos motivos e ramificacións só se empezarán a dilucidar unhas décadas despois, durante reencontros fortuítos en París e en Berlín con algúns dos seus enigmáticos protagonistas. Unha nova peza da novela en marcha que é a obra de Eduardo Halfon, un dos proxectos literarios máis relevantes do panorama actual.