Na sabana todo está en calma... excepto cando os ruidosísimos turistas aparecen para molestar. Que encordio! Sempre coas súas fotos, os seus berros e os seus jeeps pestilentes... Aínda que as súas vidas en casa son fascinantes, a verdade. Por que van de safari, cando na cidade teñen todas esas «casas», esas «tendas» e eses «metros»? Soa marabilloso!
Cando a gacela Elvira e o elefante Horst coñecen a un estraño escaravello plano chamado Siri que lles empeza a contar como é a vida na cidade, a estraña parella non pode evitar fantasear: como sería a súa vida se vivisen alí? Pasearían por amplas rúas? Levarían traxe? Tomarían café? A Elvira e a Horst encantaríalles probalo!
A xungla urbana que crearon Martin Baltscheit e Max Fiedler conta cunha parella protagonista tan adorable como improbable. Elvira e Horst só queren estar xuntos e namorados, e a gran cidade parece o lugar para iso!