Unha maldición arrasa a paisaxe, a seca é persistente. Os Eles, unhas criaturas salvaxes e predatorias, achéganse xa demasiado ás zonas habitadas e ao gando. As charras pronto deberán volver ás armas e prepararse para a guerra.
No medio, dúas familias enfrontadas pola terra e o seu pasado: a casa de Salvatierra e a de Isla Perdida. E no centro dese conflito, o romance prohibido entre Leonor e Isabel, as herdeiras de cada casa, que xogará un papel fundamental.