As xemelgas Arc e Cisi medran nos arrabaldes de Chillicothe, Ohio, preto do río e á sombra da gran fábrica de papel que dá de comer á cidade. Viven coa súa nai depresiva e coa súa glacial tía Trevo, ambas drogodependentes. Arc pasa o día cavando en busca de ósos de dinosauro e do que sexa que a súa nai perdeu hai tempo. Cisi elabora catálogos de bulbos e pedalea entre os narcisos da súa querida avoa Asclepia, único sustento emocional das nenas.

Pero non hai bicicleta rápida abondo para esquivar os precedentes familiares, decididos a arrastrar ás pequenas á beira salvaxe da vida. Alí están tamén Harlow, Xoves, Violeta, Nell Salvia e Índigo. Nais soas, prostitutas e toxicómanas. Mulleres que non importan a ninguén, e moito menos á policía, cando os seus corpos empezan a aparecer, un tras outro, flotando no río.

Título orixinal: On the savage side