Inclúe bibliografía (páxinas 251-253)

Os aforismos e as imaxinacións que Franz Kafka elaborou en máis de cen papeliños numerados durante unha estancia de oito meses no pobo bohemio de Zürau cóntanse entre os seus textos máis herméticos. Neles, Kafka ocúpase de cuestións filosóficas clásicas—a relación entre a verdade e a mentira, o ben e o mal, o mundo espiritual e o mundo sensible—, pero abórdaas servíndose de poderosas imaxes. Reiner Stach rastrexa o contexto creativo e biográfico destas pezas brevísimas no seu «Prólogo» e ofrece un comentario de cada unha delas que revela ata que punto a coherente lóxica visual de Kafka abre o camiño á comprensión destes textos aparentemente impenetrables. Unha edición que ilumina estes fascinantes enigmas kafkianos sen traizoar os seus claroscuros.