As vidas de Gloria Felipe e de Nuria Valencia entrelázanse en torno ao roubo dunha nena pequena que conmociona á capital mexicana na década de 1940. Por medio dunha narradora que (nas súas propias palabras) «non canta mal as rancheiras», somos testemuñas da batalla dos Miranda Felipe por recuperar á menor dos seus integrantes e da crianza angustiosa dos Fernández Valencia para salvar á súa propia nena dun perigo potencial que a policía non puido frear e os medios reportan co ton dun thriller.
Atravesada por diversas imaxes de auga –en forma de choiva, mar, brisa, estanque ou charco– que reflicten o estado anímico dos seus personaxes, Soñar como soñan as árbores ofrece unha mirada crítica dos mandatos da maternidade, e mostra tamén as posibilidades de rebeldía e autodeterminación que abriron as mulleres do medio século para nós. O sentido do humor sagaz e punzante de Brenda Lozano fai imposible soltar o libro ata chegar ás súas últimas páxinas.