Manterse á boia converteuse na túa única aspiración. Tes un traballo precario, unha habitación realquilada e un título que acredita que es das que non poden caer. Pero caes. Sen previo aviso, o risco entra na túa vida. Dun día para outro, todo o que non che podía pasar sucede: quedas sen teito, sen traballo, e pártenche a cara.
Agora a vida xa non vai de crer nas regras. Agora es ti a que fabrica o engano. Entrarás nas casas dos demais. Crerán que viñeches a limpalas. Crerán que viñeches a facerlles a vida máis amable. Pero convertíchesche no lobo feroz, porque xa non tes nada que perder.
Despois do tríptico sobre a maternidade que a fixo mundialmente coñecida, Eva Baltasar vén trastornarnos desde un lugar distinto, o do pacto social cando se converte en terrorista. A súa poesía canta a noite á intemperie, a inquietude de quen se sabe invisible nunha cidade. A súa lucidez revela o lugar onde crime e devoción atópanse. E a súa nova novela vén preñada dun conto no que o horror é a fada que tingue de dourado o mundo.