Hai vida máis aló da morte? O doutor Ripper, que atende á soprano Barbara Simpson tras sufrir unha grave crise cardíaca, cre que si. Mentres lla considera clinicamente morta, Barbara experimenta unha sensación pracenteira e luminosa. É o que nos espera despois de morrer?
Se a soprano volve a esta vida como, ao parecer, ocorreu noutros casos reais é porque necesita esclarecer un misterio e saldar unha débeda. Para iso debe indagar sobre a súa infancia, primeiro no sur de Estados Unidos, onde naceu en época de segregación racial, e máis adiante en Mallorca, onde chega co seu pai, músico de jazz, para vivir nun pobo situado na saia da montaña do Teix baixo a protección máxica da Deusa Branca.
Unha sombra branca é unha historia de culpa e redención que entrelaza con mestría distintas voces do presente e do pasado, entre os anos sesenta do século xx e a actualidade, en escenarios moi distintos. No relato van encaixándose as diferentes pezas que nos permitirán, finalmente, desvelar o secreto de Barbara Simpson.