A moza Yvonne Geary vive coa súa nai no Dublín natal de Murdoch de finais dos anos cincuenta, e sente que se asfixia ao comprobar que os días pasan e os seus moitos soños seguen sen cumprirse. A súa única esperanza parece ser a do matrimonio con Sam Goldman, un mozo que aos seus ollos non é «nada do outro mundo», e que non parece entendela. Yvonne non dubida do amor de Sam, pero é suficiente saberse amada para ser feliz? Ao longo dunha noite por un Dublín iniciático, urbano e frondoso a un tempo, no que é o único relato publicado por Murdoch, Yvonne pode chegar a descubrir que talvez non difiran tanto os seus anhelos e aspiracións dos de Sam.