París, 2023. Unha famosa marca francesa de perfumes e cosméticos convoca o Premio ao Mellor Influencer do Momento de fala hispana para así facerse un oco no mercado español. O galardón entregarase na capital francesa, pero esta festa repleta de luxo, influencers e abelorios acabará dunha forma tráxica: Henar Berasategui, unha das candidatas ao premio e a instagrammer máis popular dos últimos tempos, aparece morta nun dos baños do teatro onde se celebra a gala. Xunto ao cadáver atopan, coas mans cheas de sangue, a Ana Leyton (Lei), unha tiktoker de dezanove anos que está a arrasar e que é a maior rival de Henar.