Na contracuberta : Image Mad Ghost

Coñecemos a Tariq Geiger, un sobrevivente da Guerra Descoñecida de 2030, cando a guerra nuclear arrasou o planeta e rouboulle á súa familia. Tamén o converteu nun reactor nuclear vivente cun caldeiro fumarento de radioactividade dentro do seu corpo.
Agora, en 2050, Geiger converteuse nunha lenda urbana, no home do saco das historias para durmir que lles contan aos nenos dunha reconstruída Las Vegas. Unha versión retorta, a modo de parque temático, do que foi noutros tempos, gobernada por desapiadados señores da guerra, Las Vegas existe dentro dun sistema de túneles que mantén aos seus habitantes a salvo da atmosfera tóxica que a rodea. Se xogas ben as túas cartas, podes optar a unha vida mellor.
Extramuros, Geiger só quere que o deixen en paz, mentres uns insectos mutantes chamados rondadores nocturnos e os caníbales do Pobo dos Órganos axexan en busca das súas próximas vítimas.
Pero cando os señores da guerra de Las Vegas fan que Geiger entre nos seus xogos de poder, o Home Brillante convértese involuntariamente en protector de dous mozos orfos nun perigoso xogo de supervivencia. Enseguida descubrimos que os señores da guerra non son os únicos interesados en eliminar a Geiger..