Canto avanzasen as matemáticas neste país se María Josefa Wonenburger puidese poñer o seu talento ao servizo da ciencia española? Nunca o saberemos. Só coñecemos os obstáculos que tivo que superar, a brillante carreira que fixo no estranxeiro e que a converteu nun referente mundial en álxebra. Wonenburger viu truncadas as súas investigacións ao ter que volver a casa, cando aínda tiña moito que achegar. Os recoñecementos, como sucede tantas veces, chegaron demasiado tarde. Poida que te preguntes: «Que fixo para ser un referente mundial en álxebra?» ou «Por que non a coñezo?» Entre outras moitas cousas Descubriu algo para explicar mellor as características da herdanza xenética. Achegou a súa sabedoría a un sistema capaz de interpretar a síntese de proteínas. E ten entre os seus discípulos ao astronauta Edward Gibson e ao xenio do álxebra Robert Moody. Que non a coñezas ten solución xa que desde a admiración que sentían por ela, desde a proximidade, as doutoras María José Souto Salorio e Ana Dorotea Tarrío Tobar cóntannos neste libro a historia desta nena que quería facer matemáticas para atopar respostas a todo aquilo que se preguntaba.