En España tres de cada dez persoas toman pastillas para durmir ou para a depresión; tres, omeprazol; e dous, para o colesterol. Só en 2022, os médicos españois expediron máis de mil millóns de receitas. Nos países ricos o consumo de medicamentos aumenta sen cesar e, con todo, non parece que mellore a saúde da cidadanía. Ao contrario: decenas de estudos mostran que máis da metade dos fármacos son receitados de maneira innecesaria e que os medicamentos de uso máis común son unha das principais causas de enfermidade, incapacidade e morte.