Minoru Aose é un arquitecto de mediana idade cuxa carreira e familia se desmoronaron co estalido da burbulla económica de Xapón e que acabou refuxiándose na mediocridade. Con todo, a súa vida dá un envorco cando recibe un encargo moi peculiar: deseñar unha casa ao seu antollo no espléndido terreo que os seus clientes, os Yoshino, posúen nas montañas. O resultado final esperta entusiasmo e recoñecemento, e acaba situando a Aose á vangarda da súa especialidade. Pero un día descobre que a casa está baleira, e que é posible que ninguén a habitara nunca. Atopa o modo de entrar e descobre pegadas, un telefono conectado e unha cadeira moi peculiar, ao parecer deseñada polo prestixioso arquitecto modernista Bruno Taut, colocada diante dunha xanela por onde entra a luz do norte, pero non hai nin rastro de persoas. Que ocorreu cos Yoshino? O interrogante transformarase en busca e logo nunha obsesión que levará a Aose a furgar no pasado dos seus clientes desaparecidos, así como a orixe daquela cadeira e o destino de Taut.