Este volume responde á necesidade de afrontar o desafío que supón na orde teórica e no práctico a nova noción de "posverdade" ou desinformación. Afecta transversalmente a todas as disciplinas do saber, de modo particular ao ámbito informativo e ao ámbito político. Expresa a negación do dereito a unha información veraz e a interferencia no funcionamento das democracias; e destrúe un dos valores básicos da acción e do pensamento humano como é a verdade. O complexo fenómeno de posverdade abordouse desde as perspectivas de nove disciplinas: comunicación, tecnoloxía, psicoloxía, economía, dereito, historia, politología, educación e filosofía.
Unha das necesidades detectadas é a de alfabetización da sociedade nos novos termos e expresións cuxo significado exacto é descoñecido por moitos dos seus usuarios. Pódese acceder a este Dicionario ben pola orde alfabética dos textos, ben por unha determinada disciplina ou ben por cada un dos autores. Por esta facilidade de acceso múltiple e pola brevidade e independencia dos textos pareceunos que o formato «Dicionario» é o máis adecuado.
Debido a que sen verdade non hai xustiza, este Dicionario Posverdade quere ser unha contribución mínima pero rigorosa a unha sociedade máis veraz e polo tanto máis xusta.