Los Escorpiones é unha novela de novelas: unha obra narrativa titánica e misteriosa. Os protagonistas, Sara e Thomas, vense envolvidos no armazón dunha teoría da conspiración dirixida polos poderes políticos e económicos, que pretenden controlar aos individuos a través da hipnosis e as mensaxes subliminais en libros, videoxogos e música para inducilos ao suicidio. Ambos levan ao lombo desequilibrios emocionais e, mentres se tece entre eles unha relación inclasificable e poderosa, deciden investigar sobre esta seita cuxo nome é o dunha das poucas especies animais que prefire matarse antes que seguir soportando a dor.
Desde a Italia dos anos vinte, pasando polo sur profundo de Estados Unidos nos oitenta, ata chegar á época actual en Madrid, Bilbao, un pobo perdido da España rural e Nova York, esta é unha historia sobre a angustia existencial, a soidade e a necesidade de crer en algo, sexa o que sexa, para atopar o sentido á vida.