Tuy, 1945. Ao cumprir 16 anos, Rita ten que abandonar o orfanato e deixar atrás a quen a criou desde pequena. Empeza a súa nova vida soñando con ter unha tenda, pero a súa única saída, polo momento, é traballar como criada nunha casa da Guarda. Adaptarse será todo un reto e fará todo o posible para que se cumpra o seu maior desexo: volver estar preto da súa amiga da alma, Aurora.
Vigo, 2002. Vera quere darlle unha sorpresa á súa avoa e, aínda que nada sairá como imaxinara, descubrirá que a familia non sempre nace dos lazos de sangue.