Estremadura, principios do século xx. Antonia Monterroso, máis coñecida como a Viúva, é a propietaria dunha das maiores facendas da rexión; tenta mantela á boia nun momento no que a fame negra que afecta as zonas rurais non parece terminar xamais. Pero un incendio destrúe todo o que con tanto empeño logrou construír e, tras él, ela desaparece sen deixar rastro.

O tenente Martín Gallardo desprázase ata o lugar xunto co sarxento Pacheco para investigar o sucedido. Cinco días atrás, a muller interpuxo unha denuncia contra Jacinto Padilla, capataz da súa leira e antigo amante, a quen detivo na estación de Zafra cunha bolsa chea de diñeiro e xoias. Él asegura que provocou o incendio por orde de Antonia e que a bolsa lla entregou ela porque ían empezar unha nova vida lonxe de alí. Durante o interrogatorio, Padilla confesa unha serie de feitos macabros que provocan un xiro radical nunha investigación que acabará tiñéndose de sangue. Gallardo, como todos os que viven pola zona, oíu falar da enigmática Viúva, pero o que aínda non sabe é que se enfronta a un caso do que non sairá indemne.

Baixo terra seca é un thriller rural ao máis puro estilo Gellida sobre unha muller que marcou o destino de quen se cruzou con ela.

Premio Nadal de Novela 2024