Un dos subalternos do edificio administrativo que a Xunta ten en Vigo aparece asasinado dun tiro na cabeza. Un home afable e sen ambicións ao que lle gustaban as motos e que pululaba polo edificio facendo pequenos favores a todo o mundo.Lila Madrigal e os seus axudantes moveranse esta vez pola contorna dunha cidade que xa está a preparar a súa festa de luces de Nadal, a pesar de que é aínda verán. Deberán descubrir os segredos que ocultan os funcionarios e os seus procedementos para descubrir quen é o asasino. Polo camiño atoparanse con traballadores corruptos, ladróns de portas, corredores namorados e ata pantasmas para perseguir, dentro dunha sucesión de acontecementos que finalmente os levará á súa particular conclusión do caso.