Unha homenaxe a todas esas mulleres que contribuíron á nosa cultura. Unha cultura chea de fíos, cores e teares. Unha cultura que, atravesada pola lóxica patriarcal, ocultou e restou valor á creación e ao traballo feito polas mulleres.
O proceso de recuperación e recoñecemento das contribucións das mulleres á cultura galega implica coñecérmolas. Coñecermos as protagonistas cos seus nomes e apelidos, coa súa vida. Tamén implica visibilizar e difundir a súa produción e presenza nos variados espazos e ámbitos do facer cultural.