O descontento é a historia de Marisa, unha muller na trintena que vive anestesiada mediante orfidales e vídeos de Youtube. Só así é capaz de soportar as rutinas e pesares do seu día a día nunha axencia de publicidade á que tan só acode presencialmente para aforrar diñeiro en aire acondicionado durante o sufocante agosto madrileño. Marisa odia o traballo. Con todo, non pode deixalo: gústanlle demasiado as cousas bonitas. A semana previa a un team building organizado pola súa empresa, a ansiedade de Marisa dispárase; compartir unha fin de semana enteira cos seus compañeiros de oficina resúltalle insoportable, e o recordo enterrado dunha traxedia ocorrida na oficina tempo atrás volve para atormentala. A medida que pasan os días, a súa máscara social, tan coidada e puída ao longo dos anos, irase rachando ata facelo voar todo polo aire. Esta é unha novela sobre as crises vividas por calquera persoa que traballa.