No punto álxido da Segunda Guerra Mundial, catro mulleres comezaron os seus estudos na universidade de Oxford: unha católica conversa extremadamente brillante; unha moza de boa familia que anhelaba escapar do asfixiante ambiente no que fora criada; unha fervente comunista aspirante a novelista cunha lista de pretendentes máis longa que o seu brazo, e a cuarta: unha tranquila e desordenada amante de tritones e ratos que se convertería nunha gran intelectual pública do seu tempo. Fixéronse amigas para sempre. Nese momento, só un puñado de mulleres fixera da filosofía o seu modo de vida. Pero cando a maioría dos homes de Oxford foron recrutados na guerra, todo cambiou.
Mentres Elizabeth Anscombe, Philippa Foot, Mary Midgley e Iris Murdoch traballaban para facerse un lugar nun mundo dominado por homes, mentres construían as súas amizades e familias, mentres se achegaban e afastábanse entre elas, sempre defenderon que algunhas maneiras de vivir son mellores que outras. As diferenzas no ámbito da filosofía moral que marcaron as súas achegas provocou o cambio máis importante na disciplina durante máis dun século, substituíndo a árida escolástica por unha volta ás discusións sobre a bondade, a virtude e o carácter. Argumentaron que a coraxe, o discernimiento, a xustiza e o amor son o corazón dunha boa vida.

Título orixinal: The Women are up to something, how Elizabeth Anscombe, Philippa Foot, Mary Midgley, and Iris Murdoch revolutionized ethics