Bibliografía: p. 239-255

O suicidio na adolescencia é unha traxedia, unha catástrofe sen retorno para a persoa e un súbito cataclismo que marcará para sempre á familia e á contorna. Na actualidade, está considerado como un problema de saúde pública que, no peor dos casos, acaba coa perda de moitos anos potenciais de vida.
Estas páxinas son froito dun traballo de reflexión compartida, que pretende aproximar algunhas claves da conduta suicida aos diferentes axentes implicados na vida dos adolescentes. A súa intención é ofrecer respostas claras e útiles para a abordaxe da problemática. Exemplifícase con experiencias reais para cumprir co compromiso contraído coas familias, o de transformar aquela dor pasada en prevención e axuda futuras.