Shuna, herdeiro dunha terra erma e hostil, pasa os días observando con desesperación como a súa xente traballa ata o esgotamento cultivando o pouco gran que crece nos seus campos. Un día, un misterioso ancián chega ás súas terras tras unha longa viaxe e, moribundo, fálalle dunhas sementes douradas coas que podería devolver a abundancia ás súas colleitas. Con todo, terá que pagar un alto prezo se quere atopalas, pois as sementes están no lugar onde nace a lúa e regresa a morrer, onde a terra anuncia o seu fin, un lugar do que nunca ninguén regresou. Shuna, esperanzado ante a idea de poñer fin á fame negra do seu pobo, emprende unha perigosa viaxe cara ao oeste.