Martin Heidegger e Hannah Arendt coñecéronse en 1925 na Universidade de Marburgo. El era profesor e ela, a súa alumna. El estaba casado e ela, solteira. Ela tiña dezaoito anos e el, trinta e cinco. Así empeza Amor sen mundo, a extraordinaria novela de Miquel Esteve sobre esta relación que mantiveron ata o final das súas vidas a pesar de todos os obstáculos.
Amor sen mundo narra de maneira trepidante, e á vez cunha extrema delicadeza, o tumultuoso idilio entre dous das grandes figuras da filosofía e o pensamento europeo. Como poden quererse unha intelectual e sensible xudía e un profesor de máximo prestixio que militou no partido de Hitler? Desgarrada sempre por unha angustiosa tensión, a relación entre Arendt e Heidegger evoluciona de forma tormentosa e convértese nun exemplo de amor espiritual e filosófico que vai máis aló do mundano: amor sen mundo. Miquel Esteve logrou plasmar unha das historias de amor máis incribles, contraditorias e apaixonadas do último século, aínda hoxe sorprendentemente esquecida, que avanza co pano de fondo duns acontecementos cruciais que marcarían para sempre o devir da humanidade. Unha lectura ideal para penetrarse na vida e obra de dúas intelectuais claves para entender o mundo contemporáneo.