Rachel Brewster é unha esquiadora de slálom que, aos dezaoito anos, acode aos campionatos nacionais en Aspen, Colorado. Cando regresa a New Hampshire, sen gañar ningunha medalla, está embarazada. O neno, Adam, o protagonista desta novela, concibido en 1941 no Hotel Jerome de Aspen, xamais saberá a identidade do seu pai. Rachel, pola súa banda, empeza a traballar como monitora de esquí e, nos longos meses que pasa fóra de casa, deixa ao neno cos seus peculiares avós. Adam crecerá nunha familia que desafía todas as convencións, incluídas as sexuais, e que evita preguntas relativas ao pasado. Con todo, cando aos seus oitenta anos regrese ao Hotel Jerome en busca de respostas, Adam atoparase con algunhas pantasmas inesperadas.
A inesquecible odisea que, en primeira persoa, nos ofrece Adam convértese nun fresco de Estados Unidos, desde os anos corenta ata a segunda década do século XXI, desde a Guerra Fría e Vietnam, pasando pola era Reagan e a irrupción da sida, ata chegar ao Tea Party e Donald Trump.

Tít. orixinal: The last Chairlift