Cando a tenente Karen Blecker contempla a espesa néboa do inverno de San Lorenzo del Escorial non espera que o seu rutineiro almorzo co seu compañeiro o brigada Cano se vexa bruscamente interrompido pola aparición dun cadáver nun dos chalés da estrada que conduce ao club de golf da localidade.
Unha morte violenta, un xuízo que non conseguiu esclarecer con nitidez quen foi a vítima e quen o verdugo… Un caso que, cos seus numerosos interrogantes, obrigará unha vez máis á parella da Garda Civil a revisar as súas conviccións: son os feitos inequivocamente monocromos?, é a súa verdadeira cor a que mostran a primeira vista? Ou, como o cisne, ocultan baixo un níveo plumaxe a súa carne escura?