Que se fai cando alguén a quen queres está a pasalo mal, cando ves que o seu mundo empeza a saltar polo aire?
Este libro narra a historia de dúas persoas que se queren e que se acompañan. Porque hai momentos nos que a vida doe e a nosa saúde mental tamén se deteriora.
Morons embárcase na viaxe de acompañar emocionalmente a Occi. A travesía non será fácil e estará chea de tormentas, de imprevistos, de frustracións, de caídas, de preguntas que necesitan a súa resposta... pero tamén de aprendizaxes, reflexións e de esperanza.
Un novo libro do psicólogo Pablo R. Coca, creador do universo @occimorons, que reivindica a importancia dos vínculos, do poder do colectivo, de acompañarnos no camiño.
Agora máis que nunca: escoitémonos, coidémonos e acompañémonos. Quizá non necesitamos ser máis fortes, quizá necesitamos contornas seguras onde poder mostrarnos vulnerables, onde poder ser, sen máis.
"E que sería da nosa saúde mental sen esas persoas que nos acompañan no camiño?"