Xuño de 1960. Un temporal mantén illadas na idílica illa de Utakos, fronte a Corfú, a nove persoas aloxadas no pequeno hotel local. Nada fai presaxiar o que está a piques de ocorrer: Edith Mander, unha discreta turista inglesa, aparece morta no pavillón da praia. O que parece un suicidio revela indicios imperceptibles para calquera salvo para Hopalong Basil, un actor en decadencia que noutro tempo encarnou na pantalla ao máis soado detective de todos os tempos. Ninguén como el, afeito aplicar no cinema as habilidades deductivas de Sherlock Holmes, pode desentrañar o que de verdade esconde ese enigma clásico de habitación pechada. Nunha illa da que ninguén pode saír e á que ninguén pode chegar, inevitablemente todos se acabarán convertendo en sospeitosos nunha fascinante novela-problema onde a literatura policial mestúrase de modo asombroso coa vida.