A publicación en 1969 deste libro supuxo unha auténtica convulsión no panorama literario e crítico búlgaros. Por primeira vez abordábanse cuestións como a revolución ou a resistencia antifascista fuxindo da simplificación e do ensalzamento ideolóxico impostos polo realismo socialista.
Esta obra é unha porta a un pequeno mundo rural, tan real como rico en elementos fantásticos, poboado de heroes anónimos que, conducindo o seu carro cheo de xarras e vasillas, amasando o pan cada mañá ou tallando a pedra das canteiras, amósannon a grandeza e a miseria da vida campesina.