Valery quere ser a rapaza perfecta: obediente, estudosa e, sobre todo, delgada. Ninguén, nin sequera a súa mellor amiga, sabe que leva anos contando obsesivamente as calorías de cada cousa que come. Pero cando a traxedia chama á porta, Val sentirá a necesidade de reavaliar as súas prioridades, a relación coas súas amizades e mesmo a percepción do seu propio corpo. Poderá algún día ser feliz? O camiño a percorrer pode afastala da súa cidade natal, pero antes deberá armarse de valor para pedir axuda, despois de aceptar que, ás veces, as persoas que máis nos queren son as que máis dano nos poden facer. Esta fermosa novela gráfica aborda os trastornos da alimentación, as expectativas familiares tóxicas e a xestión do dó nunha necesaria viaxe cara o amor propio.