Lembro as palabras da tía Paula cando escoitamos o que sucedía: «Oxalá non nos tocase a nós». Pero claro, tiña que tocarme a min...
Todo empezou nunha illa do Pacífico, onde un volcán entrou en erupción. Ata aí, todo normal. Só unha semana despois, o planeta enteiro está a piques de ser destruído por un mar de lava. E a única forma de deter o fin do mundo é que atope un ídolo perdido hai máis de dous milenios e realice un ritual nun templo do mítico reino da Atlántida, unha illa que, para variar, ninguén sabe se realmente existiu nin onde podería estar. Pan comido, verdade?