Yi-Fu Tuan dedicou toda a súa vida a indagar como os seres humanos moldeamos as realidades persoais e culturais e como este proceso reflicte, á súa vez, as nosas ideas individuais e colectivas do que unha boa vida debe ser. Neste sentido, a súa autobiografía constitúe unha incisiva meditación sobre as luces e as sombras da súa propia traxectoria vital en busca desa boa vida. Así a narración traza a súa difícil infancia na China dos convulsos anos 30 e a fuxida pola infame carreteira birmana ante a agresión xaponesa, a relación co seu pai, diplomático de carreira, non exenta de equívocos e tensións, o seu periplo por disitntas universidades anglosaxonas e a xestación dunha orixinalísima visión propia do mundo. Tamén aborda con lucidez a súa complexa inserción na sociedade estadounidense actual, na que, tal e como afirma, a pesar de levar corenta anos no país aínda se sinte coma un convidado...

Tít. or.: Who Am I? An Autobiography of Emotion, Mind and Spirit