Ziko Slade, unha superestrela do tenis mundial, cumpre vinte anos de condena polo arrepiante asasinato do delincuente de pouca monta Lenny Lerman. Os feitos do caso, e o pasado accidentado de Slade, parecen indiscutibles. O que comeza como unha revisión superficial do caso por parte de Dave Gurney como un favor especial a unha amiga da súa muller axiña se converterá nalgo moito máis complicado. Cando a participación de Gurney ameaza con sacar á luz un niño de víboras de corrupción; verase incriminado por asasinato e perseguido polos medios sensacionalistas, unha fiscal de distrito implacable e un asasino desapiadado. Mentres evita a lei e intenta resolver o caso para salvar a súa reputación, Gurney enfróntase á idea de que a súa inquebrantable necesidade de traballo policial lle está custando máis do que o brillante detective xamais sospeitou.

Tradución de : The Viper