Ás veces confundimos París coa estampa bohemia da marxe esquerda do Sena, a coñecida rive gauche. Mais, no período de entreguerras, o escenario principal da vida artística, literaria e mundana da Cidade da Luz foi a outra beira: a esquecida rive droite. Tralo desastre da Gran Guerra, corrían ventos de revolución nas costumes e nas artes. Foron os anos da emancipación da muller, dos bailes frenéticos e da acción política, da provocación surrealista e do nacemento da novela moderna.Os anos de Henry Miller e Anaïs Nin, Raymond Roussel, Marcel Duchamp, Elsa Triolet, Simone de Beauvoir, André Malraux, Marcel Proust, Colette, Vita Sackville-West, Louis-Ferdinand Céline, Jean Genet, Coco Chanel, Jean Cocteau, Sonia Delaunay, Mariña Tsvietáieva, Isadora Duncan, Stefan Zweig. E doutros moitos que converteron a ribeira dereita no centro do mundo. Coa estrutura dunha peculiar guía de viaxe que nos descobre un mundo desaparecido, A outra metade de París cóase nas rúas e as casas, os hoteis e os cafés, as bibliotecas e os clubs nocturnos que habitou esa humillante galería de excéntricos parisienses (pois todos eles o foron, ben por nacemento ou por renacemento).

Tít. or.: L'altra metà di Parigi. La rive droite