Contén notas ao pé de páxina

"King Corp." descobre as rutas do diñeiro do inmenso conglomerado económico do rei emérito Juan Carlos I, revela transaccións mercantís e propiedades inmobiliarias descoñecidas ata agora, reconstrúe episodios e amizades que permanecían ocultas e verte luz sobre unha enorme fenda na biografía oficial do exmonarca e do conxunto da familia real.
"King Corp." é un bestiario das elites que se fixeron ricas e poderosas á sombra de Juan Carlos I; unha crónica negra (cun inevitable fondo rosa) por onde desfilan narcos, abogados suízos e traficantes de armas, e un manual de instrucións para guiarse polo labirinto de escándalos financeiros e procedementos xudiciais que ameazaron con sentar no banco dos acusados a un rei por primeira vez na historia de España.
José María Olmo e David Fernández accederon en exclusiva a documentos bancarios, correos electrónicos, fotografías e testemuños de banqueiros, empresarios, traballadores da Zarzuela, militares, membros dos servizos secretos e examantes do antigo xefe do estado, e dotan de contexto e de textura narrativa a moitas informacións publicadas de forma fragmentaria nos últimos anos.