A vida de Teresa sempre foi unha longa e reconfortante liña recta. Unha autoestrada que, para admiración de todos, alcanzou puntualmente os obxectivos correspondentes. Así que non é ningunha sorpresa que Teresa logre unha bolsa para ir a Berlín a traballar nunha gran exposición sobre o descubrimento da tumba de Tutankamón. A liña recta, pola contra, non figura na xeometría de Ruben, un novo artista italiano que se move pola cidade coa curiosidade e a espontaneidade dun neno. Para el, a gran urbe preséntase ante os seus ollos como un parque de atraccións inmenso. Cando Teresa e Ruben se atopan, as súas respectivas xeometrías entran en colisión e cambian a súa traxectoria para sempre.