Cometierra elixiu dúas cousas: un barrio novo e non volver usar o seu poder adivinatorio nunca máis. Rodeada de descoñecidos, vai saíndo aos poucos do seu peche e aprende a manexarse na súa nova contorna, á vez que agarda o nacemento do seu sobriño, fillo do seu irmán Walter e da súa noiva, Miseria. É precisamente esta última quen, ao ver no don de Cometierra un lucrativo potencial económico, anímaa a recuperar as visións que lle permitían atopar a xente desaparecida. Para iso, terá que resolver casos recentes e antigos, desvelar segredos da súa historia familiar e poñer a súa vida nas mans dunha bruxa máis poderosa que ela.