Todas as persoas somos creativas, pero é algo que debemos adestrar, como un deporte. Javirroyo convídanos a exercitar o cerebro e a aprender a pensar e a escribir a través do debuxo e os esquemas no seu Ximnasio de Ideas, onde te motivarás a saco, perderás o medo á páxina en branco, conectarás churras con merinas, sairás da túa zona de confort, empatizarás a través do humor, lograrás simplificar o complexo e, en definitiva, poderás vivir unha vida chea de creatividade e sen restricións.
Da man dun cerebrín en baixa forma e que, como ti, necesita un pouco de axuda, descubrirás retos, exercicios, actividades, consellos e técnicas para sacar a imaxinación que levas dentro e aplicala a todos os ámbitos do teu día a día.