Bibliografía

"As vacinas son malas para a saúde". "O cambio climático é mentira e o coronavirus tamén". Nos días que corren, numerosos cidadáns rexeitan con afirmacións coma estas as posturas de científicos e especialistas, decidíndose por unha determinada ideoloxía antes que pola verdade. E non é que estean, sinxelamente, pouco informados, senón "desinformados", pois citan probas espurias ou seleccionadas dun xeito capcioso, atenden a falsos expertos e defenden teorías da conspiración. Como podemos convencelos de que están equivocados? Como lograr que cambien de opinión e atendan aos feitos, se non cren neles?
Neste libro, Lee McIntyre defende, por unha banda, que calquera pode plantar cara aos negacionistas da ciencia e, por outra, a gran importancia de facelo, pois o negacionismo mata en moitas ocasións. Seguindo estas ideas, ao longo das súas páxinas bosquéxanse as principais claves discursivas do negacionismo e ofrécense ferramentas e técnicas para transmitir os feitos e valores da ciencia, sempre facendo fincapé en que a mellor forma de discutir cun negacionista é confrontándoo con calma, cara a cara e educadamente.

Tradución de: How to talk to a science denier