Los Ángeles, 1971. Seymour ten 27 anos, é montador e traballa para unha compañía especializada no chamado cine "exploitation" de baixo orzamento. Seymour, a súa muller e o seu bebé afánanse por saír adiante, mentres o primeiro escribe guións por encarga e espera que chegue a súa oportunidade. Cando o seu xefe merca un dos seus guións para un proxecto titulado "O sangue da virxe" e lle ofrece dirixilo, da comezo o periplo entre surrealista e cómico do libro. A medida que a película avanza nos ombros da ambición de Seymour, a súa vida familiar torna cada vez máis tensa. A rodaxe dá pé a unha espiral espazotemporal que á súa vez configura esta novela gráfica épica onde conflúen paternidade, sexo, creación e emigración xunto a temas coma o alborexar de Hollywood e... o Holocausto?
Sammy Harkham introdúcenos nun Los Ángeles oculto durante un momento crucial para a evolución da industria, o tránsito entre o último estertor dos grandes estudos e o auxe do cine independente. Á maneira dun calidoscopio, "La sangre de la virgen" cambia en cada viñeta, o contexto amplíase a medida que a historia evoluciona e constrúe unha intricada arañeira de soños e desenganos que permite ao lector achegarse ao núcleo do libro: o prezo agridoce de chegar a ser un mesmo.

Tradución de : Blood of the Virgin