Cando a maioría da xente pensa nas direccións das rúas, se é que o fai algunha vez, pensa na súa capacidade para garantir que o carteiro poida entregar o correo ou que un viaxeiro non se perda. Pero as direccións non se inventaron para axudar a atopar o camiño, senón para atoparte a ti. En moitas partes do mundo, a túa dirección pode revelar a túa raza e a túa clase. Neste extraordinario estudo, Deirdre Mask examina as rúas que levan o nome de Martin Luther King, os medios de orientación dos antigos romanos ou como os nazis aínda roldan polas rúas da Alemaña moderna. A outra cara da moeda de ter unha dirección é non ter ningunha; así, tamén coñeceremos o que eso significa para millóns de persoas hoxe en día, como aquelas que viven nos barrios baixos de Calcuta ou nas rúas de Londres. Repleto de persoas e historias fascinantes, O rueiro ilumina as complexas historias que se esconden detrás dos nomes das rúas, así como o seu poder para revelar ou ocultar, decidir quen conta, quen non e por que.

Tít. orix.: The Address Book: What Street Addresses Reveal About Identity, Race, Wealth, and Power