Vén doutro lugar, doutro tempo, e salta dun planeta a outro, duns brazos a outros, fuxindo do psado e entregándose ao destino. Dona da súa nudez e do seu desexo, desbordante, sen límites nin ataduras, e pacifista, Barbarella levará ao límite aquilo de "fai o amor e non a guerra" explorando mundos fantásticos e absurdos onde o diálogo e a paixón se interporán entre a guerra e o desastre.
Inédita en España durante máis de sesenta anos dende o seu debut seriado na revista V Magazine (1962) e convertida en icona da cultura pop grazas á película protagonizada por Jane Fonda (1968), este volume inclúe integramente este revolucionario clásico da ciencia-ficción impregnado de erotismo creado por Jean-Claude Forest, nunha completa edición repleta de extras e unha recompilación de todas as portadas internacionais de Barbarella.