Nunha Venecia rodeada de misterio, o inspector Kraken enfróntase á encrucillada máis complexa da súa vida: resolver o pasado ou apostar polo futuro.
Un espléndido e decadente palazzo arde nunha pequena illa veneciana onde se celebra un encontro da liga de Libreiros Anticuarios. Os corpos dos invitados, todos coñecidos de Kraken, non aparecen entre os entullos, e sospéitase que a súa nai, Ítaca, estivo implicada no incendio que sucedeu en idénticas circunstancias décadas atrás.
Mentres, en Vitoria, a inspectora Estíbaliz investiga un caso que pode ter as claves do atraco que acabou coa vida do pai de Kraken. Pero Unai é remiso a volver á investigación en activo e sente que debe elixir entre a procura do que lles sucedeu aos seus pais ou a familia que creou con Alba e a súa filla Deba.