A ansiedade considérase unha das eivas do noso tempo e, cando se fala dela, o habitual é tratala coma a unha inimiga. Pero Núria Gabernet presenta unha nova forma de vela, ensina a relacionarse con ela dun xeito construtivo e convida a observala e convertila nunha experiencia curadora.
Tras anos de indagacións e estudos multidisciplinares sobre o tema, a autora presenta un enfoque integrativo e afonda nas súas bases biolóxicas e psicolóxicas, repasa as funcións que exerce na nosa vida e ofrece estratexias para comprendela e transformala.
Este libro percorre as principais causas que xeran a ansiedade, guía e interpela para que te observes e coñezas como, cando e por que aparece, proporciona as ferramentas para xestionala e anímate a exploralas para descubrir cales son as que mellor poden funcionar.