Melina é a filla maior dun matrimonio de campesiños que acaban de ser pais por segunda vez e que se están envorcando no seu novo fillo. Como o pequeno dorme fatal, a parella tivo que centrarse nel e deixar a Melina un pouco de lado. Melina vive na vila de Hammerdam, unha pacífica aldeíña que se fixo famosa porque nos seus dominios acaba de caer un martelo máxico que, supostamente, enviaron os deuses. Moitos desexan empuñar o martelo, pero é o propio martelo quen elixe ao seu posuidor (ou posuidora) segundo o principio de que esa persoa sexa ideal para cumprir unha misión determinada (sexa cal for). Unha noite, Melina levanta o martelo. Unha vez dscuberto o milagre, terá que abandonar a aldea e emprender unha longa viaxe.

Tâitulo original: Hammerdam, Hammerdam-T01, Hammerdam- T02.