Na aldea medieval de Lapvona, o pequeno Marek vive na máis absoluta pobreza co seu pai Jude, viúvo, devoto e agresivo. Collo, coa cara deforme e unha concepción distorsionada da realidade, Marek só acha consolo no seu temor de Deus e nas súas visitas a Ina, unha anciá con saberes ocultos que vive afastada do mundo. Cando unha morte violenta sitúao no epicentro da vida de palacio, Marek pasa a converterse nun auténtico aristócrata dentro da corte do corrupto e ensimesmado señor feudal que goberna Lapvona. Con todo, o seu novo status verase ameazado pola chegada dunha misteriosa muller embarazada, de trazos sospeitosamente similares aos seus.

Título orixinal: Lapvona