En Sandaili, unha humilde ermida escavada na roca, apareceu o corpo mutilado dunha muller asasinada mentres practicaba un antigo rito de fertilidade. O seu torso foi aberto e baleirado e as mans foron colocadas a ambos os dous lados do seu abdome en actitude de entrega. A escena reproduce, con macabra exactitude, as figuras dos apóstolos que Oteiza esculpió na fachada da basílica de Arantzazu. As probas sinalan que alguén realizou unha copia do seu rostro no momento da súa morte.
Un perigoso asasino ritual naceu ao abrigo das verdes montañas que gardan desde tempos inmemoriais os mitos e as lendas dos vascos. Un enclave illado, moldeado pola auga que deixou as súas cicatrices en forma de desfiladeiros maxestosos e profundas covas. Ane Cesteiro e a Unidade de Homicidios de Impacto emprenderán unha viaxe ás entrañas da terra onde se oculta o máis escuro da alma humana